2Cor 11 | TPZ | STEP | Eöß to iu noß pan, eöm se vaonöt ka neoß, köß nok a siß soe nun peöß marën a kë koman hah öß, ivëhkëk, eöm to nok vavoh em nën.

2 Corinthians 11

A Taateß Pe Pöl To Hikta Vatoe Me Non A Taateß Po Teß Varih To Pikpiuk Ne Pan Ee O Aposol

1 Eöß to iu noß pan, eöm se vaonöt ka neoß, köß nok a siß soe nun peöß marën a kë koman hah öß, ivëhkëk, eöm to nok vavoh em nën. 2 E Sosoenën to teß me non a taateß puhioß peß, pan ea a napan kurus se teß no o teß neß to vaneah non. Ka manih pa taateß puhioß pamëh, nöß to iu me noß pan, eöm me se vatet vavih a taateß pe Kristo. Ke eöß koman to kon voh eoß peöm, ko heß eoß peöm peß, keß tavus va en manih pe voe koman peöm. Eöß to heß a neöm e Kristo vamanih peöß to me ka nös neöm a koaß mon sepeß vivihan manuh pa teß sekaß vëh neß to kehkeh me non. 3 Ivëhkëk, eöß to koman avoeß e noß pa kuruß vëh to piuk voh e Iv pa taateß piuk peß. Ivëh, nöß to nanaöp suk noß pan, a paeh a taateß avoeß pamëh to meß tavus me en manih peöm. Ka ma kokoman peöm nun, köm këh em pa taateß teß vavivihan me a taateß vatet e Kristo. 4 Eöß nanaöp suk noß ataeah, eöß to nat e noß peöm to teß vamatop ro ko nem a tënan a soe po upöm teß varih to se nö maß peöm. Pare vavatvus ne a soe va pe Ieesuß vëh, to hikta vatoe me non a teß Ieesuß vëh, nemöm to vavatvus nem a soe va peß. Ka manih pa taateß pamëh nöm to kon suk voh a meh tuvuh ke, to hikta teß va non manih pa Tuvuh Vasioß vëh nöm to kon moaan voh. Paröm tëtënan vi nem a soe vih to hikta teß non pan a Soe Vih pe Ieesuß Kristo vëh nemöm to vavatvus nem sih manih peöm.

5 Eöß to hikta koman noß pan, “o aposol apaßpuh” peöm poë varih, to vih oah e ne peöß. 6 Eöß to hikta nat vavih pöß noß pa taateß va pa vatvus a soe. Ivëhkëk, eöß to nat vavih e noß pa pusun in a soe nöß to vavatvus tamoaan noß sih. Manih pa ma taateß kurus me pa ma poen kurus, nemöm to vataare e nem peöm po nat pamëh.

7 Eöm to nat e nem, eöß to vavaasis voh a noß neöm a Soe Vih pe Sosoenën paröß hikta hinhin voen a noß neöm. Ahik. Eöß to vöknah koman hah a noß, marën a kë varoe a ma ëhnëëneöm. Eöm koman va nem nih pa ö nöß to nonok va noß manih, Eöm koman kës nem pan eöß to nonok e noß pa hat, ha? 8 Eöß to kokon moniß noß sih manih pa ma meh kum teß varih to vaman ne sih e Kristo, eöß to kon a moniß pamëh, marën a vaßaus koman hah öß, ko kikiu noß topnineöm. 9 Ko poen nöß to teß vaßpeh me voh a noß neöm manih Körin, paröß kökööt noß pa taeah nöß to iu noß, eöß to hikta heß punis ta pah teß oeteß, keß, ta pah köövo manih peöm. Ahik. A kën kea varih to vaman ne e Kristo manih pa muhin va Mësadoniaß to nö maß manih Körin, pare tavus maß, ko vaßaus ee peöß pa taeah nöß to kökööt noß, paröß iu noß. Eöß to hikta koman vakis noß, a heß punis a neöm manih pa matop ka neöß. Ivëh, nöß to vavatet tamoaan suk noß o kokoman pamëh. 10 Eöß to soe vamanih, suk a soe man pe Kristo to teß tamoaan non sih manih pa komaneoß. Ivëh, köß se soe vamaman rakah va eoß manih pan, “Manih Akaëaß, no ahik ta pah teß to onöt non a sunpip a neoß pa kë a ëhnaneoß, suk eöß to koe voh eoß pa ö nöm se matop ka no neoß.” 11 Vahvanih köß nonok va noß manih? Eöm koman kës nem pan eöß to hikta iu a noß neöm? Ahik rakah. E Sosoenën to nat rakah e non peöß to iu e noß peöm.

12 Ivëh, köß se nonok avoeß e noß pataeah nöß to nonok noß kuru. Suk a taeah, eöß to kehkeh sunpip noß a napan varih to kë koman ne a ëhnëëre, suk a ma kiu nee to nonok ne. Ee to sosoe ne pan, a kiu nee to kë suk ne a ëhnëëre to vatoe me e non pa teß kiu nemöm to nonok nem. 13 O teß poë varih to hikta teß ne o aposol vamaman, me ra nap kiu vamaman, ee ro teß pikpiuk. Ee to panih a taateß pee, pan a napan se ep ne, pare koman ne pan ee o aposol vamaman pe Kristo. 14 Ka taateß nee to nonok ne to hikta vatoksean a rora. Ea to nat vavih rakah e no, e susun po oraß hat koman to antoen e non pa panih hah ea, pareß matan va e non manih pa ankeroß va po maaka, ka napan ep ne poë, ko koman ne pan, eß a ankeroß pe Sosoenën. 15 Ivëh, ka tah pamëh to hikta se vatoksean a rora, pa ö no a nap kiu pe susun po oraß hat to panih a ma taateß pee, pare kikiu va ne manih pa ö no a napan varih to nonok ne a ma taateß totoopin to kikiu va ne. Ivëhkëk, amot ne Sosoenën se kiiki en pa ma taateß pee, kee kon kamis suk ee pa ma taateß taneah nee to nonok ne.

E Pöl To Hutët A Ma Punis To Tavus Poan Pö Neß To Nonok Non A Kiu Aposol

16 Eöß to soe ke voh eoß peöm pan, a hikta pah teß se koman non pan eöß a papön. Ivëhkëk, eöm se keh koman va e nem peöß nën, öt va ka neoß manih pa ö neöm to öt va in a teß papön. Paröm koe ka neoß, köß kë vatam koman hah öß. 17 O poen nöß to kë koman hah a noß, eöß to haraß koman noß pan, a pop peöß to vih. Ivëhkëk, eöß to hikta toto va noß manih pa ö ne Sunön to iu va non. Ahik. Eöß to toto va e noß manih pa teß papön. 18 A nap peo va po oeh vëh to kë koman hah a ne suk a ma pop pee to vihvih. Ivëh, ke eöß me se kë koman hah me eoß pa teß ëhnaneoß. 19 Ke eöm varih a napan to teß me nem a ma nat apaßpuh, me a ma kokoman vih natsean. Ivëh, neöm to iu suk nem a soe vaonöt o teß papön, kee soe ka neöm a ma soe nun pee. 20 Oman rakah, ta pah teß se keh rëh a neöm köm nö ko kiu akuk nem manih peß, keß kon vahik en pa ma tah peöm, me eß se piuk ka neöm, pareß vakëën pet en peöm. Ko teßteß vasusunön e non peöm, pareß tatapan en pa ma matëëneöm, köm ep akuk e nem peß, keß nonok suk e non po iu koman peß. 21 Varenan rakah, pemöm to hikta teß eh nem, pa nok a ma taateß poë varih manem peöm. Eöß to teß poet rakah e noß pa soe tavus a hat pemöm manih peöm.

Ivëhkëk, eß se keh teß non e retereh to eh onöt ne a kë koman hah rea. A, eöß me se eh onöt me e noß pa kë koman hah öß. Varenan rakah, eöß to vavaato va e noß manih pa teß papön. 22 Ee to koman ne sih pan, ee varoe a ma to Jiuß. Ivëhkëk, eoß me a to Jiuß. Me ee to koman ne pan, ee varoe a napan va Israël. Ivëhkëk, eöß me a to Israël. Ee me to koman ne pan, ee varoe o pus koaß pe Abraham. Ivëhkëk, eöß me e koaß pe Abraham. 23 Ee kës a nap kiu pe Kristo, ha? Eöß to onoah e noß pee pa nok a kiu peß. Ivëhkëk, eöß to toto va e noß manih pa teß papön. Eöß to kikiu vëhvaß oah rakah e noß pee. A ma poen peo no a napan to vahoß ee peöß pa nohnoh. Ivëhkëk, a ma siß poen keok nee to vahoß rapoë pa nohnoh. Köß hikta antoen noß a ëh a tovih rëp no a napan to rëp a neoß po uris rëprëp teß. Eöß me to antoen e noß pa ëh a tovih rëp no a napan to rëp raoe. Ka ma poen peo nöß to vatët rakah eoß pa mët. 24 A ma to Jiuß to rëp a neoß pa 39 rëp po uris rëprëp teß, ee to nok va ka neoß nën pa tönim tëëm vakëkëh. 25 A kukön tëëm vakëkëh nee to rëp a neoß po opëß. Ko pöh poen nee to tösvös ka neoß, ka siß ö hat, köß mët eoß. Ko meoh kukön poen nöß to teß noß po paröß, ko paröß hat me en peöß. Ka pah popoen me a pah potan avoes va pa kukön poen poë varih, nöß to teß noß koman tahiß. 26 A ma poen peo rakah nöß to nö pa ma vöön varo, ka siß ö hat köß taum koe eoß pa punis manih ruen. Me manih pa koreera nap kakaveo, me ra kën kea koman peöß varih o Jiuß, me ro teß varih to hikta teß ne pan ee ro Jiuß. Ka ma meh poen no upöm teß to kehkeh miröß e ne peöß manih koman a ma vöön apaßpuh, me manih pa ma muhin no a hikta teß to teß non. A siß ö hat me köß taum eoß pa punis manih tahiß. Me manih pa koreera napan varih to pikpiuk ne sih pan ee ra napan pe Kristo. 27 Eöß to nok voh a ma vu kiu to parin a hivaß rakah, paröß hikta kokoroh vavih noß pa ma poen peo. Eöß to haraß o maë, me o manoe. Ka ma poen peo nöß to hikta teß me noß ta taëën. Me eöß to haraß a tuvuh, paröß hikta teß me noß to ohop nöß se ohop pip a tuvuh manih pa sionineoß. 28 Eß to hikta teß non pan a ma punis varoe ko poë varih to tatavus voh ne manih peöß. Ahik. Eöß se soe me eoß pa ma meh punis to tavus voh manih peöß. A ma poen kurus nöß to teß me noß o kokoman punis va pa taateß matop vavih a ma kum teß varih to vaman ne e Kristo. 29 O vaman pa ta pah teß va pa napan varih to vaman ne sih Kristo se keh tötö nö non, a, eöß me se pah haraß vasunë eoß. Ka ta pah tah hat se keh tavus manih pa ta paeh va pa napan varih to vaman ne e Kristo, keß kuß manih pa taateß hat, a, eöß se pah heve suk rakah eoß pa tah pamëh.

30 Eß se keh hikta teß non ta meh hanan, nöß se kë koman hah öß, a, eöß se soe eoß pan, a ma punis varuh to tavus voh manih peöß, a ma punis poë varih to vataare e ne peöß koman to hikta teß me noß to eh. 31 E Sosoenën, eß e Taman e Sunön pea Ieesuß Kristo. Eß koman to nat e non peöß, to hikta pikpiuk noß. Ivëh, ke ea se kë tamoaan varoe ko no a ëhnaneah. 32 Moaan voh nöß to teß noß Damaskas, ka teß susun vëh to teß non paan a teß sunön vëh e Aretas, to vahoß en pa ma teß utut, kee ut e ne peöß manih pa ma hopaß varih to ho ne manih pa vöön apuh pamëh. Ee to kehkeh öt a no neöß, to vahoß a neoß pa iuun nohnoh. 33 Ivëhkëk, a ma vamomhë peöß to vahoß a neoß po kove, pare vöknah koe ka maß neoß po hopaß oho koe ke pa tuvuh manih po vakapkap in a vöön pamëh, köß rusin këh eoß pa teß susun pamëh.